فيديوهات تدين مجلس الكلاب الواطي

http://www.youtube.com/watch?v=oB0-25T9RPI&NR=1&feature=endscreen
............................
http://www.youtube.com/watch?v=5pI0UpU2XnQ
...........................

http://www.youtube.com/watch?v=GhxgtpD18To
............................
http://www.youtube.com/watch?v=YOs2j4XRjs0
............................
http://www.youtube.com/watch?v=s8LXpdIrK90
..............................
http://www.youtube.com/watch?v=WM5R840WBXU
............................
http://www.youtube.com/watch?v=mKEmez6P-aQ
...........................
http://www.youtube.com/watch?v=DtPFFkCEyIQ&skipcontrinter=1
.............................
http://www.youtube.com/watch?v=EQzhVJd2Wi4&skipcontrinter=1
............................
http://www.youtube.com/watch?v=tYUIUaMpwtE
................................
http://www.youtube.com/watch?v=MChw2kqlRG8
....................................
اي حد مش مصدق بعد كده يخبط دماغه في الحيط احسن

الشهيد عصام عطا

في يونيه 2010 قتل الشهيد خالد سعيد نتيجة تعذيب المخبرين في الاسكندرية بعد ان فضحهم و هم يقسمون المخدرات بينهم 
و قامت المظاهرات وقتذاك و لكن ادعت الوزارة انه بلع لفافة البانجو الشهيرة 
و في يناير 2011 قتل الشهيد سيد بلال نتيجة تعذيب ظباط امن الدولة لاجباره علي الاعتراف بعملية تفجير كنيسة القديسين و ضح بعد ذلك انهم السبب و لنعد جميعا الي ما قالته الداخلية عن وفاته : هبوط شديد في الدورة الدموية مما ادي لتوقف القلب فمات 
و بعد الثورة المجيدة قالوا تم تطهير وزارة الداخلية و تغيير النظام 
في 27 اكتوبر 2011 اكتشفنا استشهاد عصام عطا في طرة من التعذيب ايضا ..... فلنر ماذا قالت الداخلية 
" انه كان يهرب اقراص مخدرة فابتلعها فمات !!!!!!!!!!!!!!!!!"
التقرير الاخر " بحالة إعياء شديدة وفقدان للوعى وإفرازات رغوية من الفم والأنف ..وبتوقيع الكشف الطبى عليه بمعرفة طبيب السجن تبين إصابته بإشتباه تسمم دوائى حاد "

فعلا تغيرت وزارة الداخلية فهنالك الان تقريرن مختلفين ابهما نصدق 
طبعا و لا واحد 
هذا الرجل الشهيد قام بتهريب شريحة موبايل داخل السجن و للعلم الكتير من السجناء  معه موبايلات و ليس شريحة فقط 
تم تعذيبه حتي الموت و الداخلية تنفي 
لكن المفاجاة انه"تزامناً مع مسيرة (عصام عطا) بطريق القصر العيني امين شرطة يقوم بإطلاق النار على شخصين من الأهالي ويلوذ بالفرار والأهالي يقطعون الطريق إحتجاجاً والشرطة العسكرية تحاول تفريقهم ولم تستطيع .. والمصابون أحدهم بالقصر العيني والآخر بين الحياة والموت "
 


لا بد من اعادة نظر تجاه الداخلية و اسقاطها بالكامل و ترحيل كل من فيها و محاكمتهم لان الذوق و الادب منفعش مع ولاد الكلب دول
تسقط الداخلية شوية بلطجية  
و ايضا يجب محاسبة العسكر علي عمليات التعذيب داخل سجن 28 حربي 
يسقط يسقط حكم العسكر 

معملناش ثورة عشان " لاسماء محفوظ "

معملناش ثورة عشان تغيير وجه نظام ديكتاتوري!!!

معملناش ثورة عشان نستولى على حرية شعب شبيهة بحرية عصر الجاهلية او بمعنى اصح بحرية الغابة " البقاء للأقوى "

معملناش ثورة عشان ناخد مناصب او نحتل مجلس الوزراء ونتفشخر باللقاءات مع  مجلسي العسكري والوزراء

معملناش ثورة عشان نتفرج على رموز مدمرين مصر في القفص

معملناش ثورة عشان ينتهي بينا الحال زي ما انتهى في 1952 و1977 !!!

معملناش ثورة عشان نتكلم في كل حتة في الجرائد والفضائيات على روايات وسيناريوهات جرائم وفضائح مبارك ونسمي ده النصر المبين

معملناش ثورة عشان ندمر بيها انفسنا واحنا بنتصارع على من هو مالك الثورة المصرية

معملناش ثورة عشان نتفرج على الانحدار الاخلاقي للنشطاء وهما بيسبو ويلعنو في بعض بأبذأ الالفاظ

معملناش ثورة عشان نتفشخر بانجاز في كل دول العالم ونبىقى عاملين زي اطفال الشوارع لما يجيلهم طقم جديد للعيد

عظمة الشيء بتظهر مع نتيجة الثورة مع مرور الوقت وعظمة الثورة بتظهر مع نتيجة نهايتها

فياترى احنا قادرين نتخيل نتيجتها؟؟؟؟     ياترى باللي بنعمله في نفسنا وبنعمله في البلد ده هيوصلنا للنتيجة اللي نزلنا عشانها؟؟

اعظم شيء في الثورة المصرية انها حدثت بشكل تلقائي وخلاق وابتكاري في كل حدث فيها

لكن لما الحالة دي تنتهي والشعب يعود لثكناته بفقد روح التحرير ويحصل انتهاك غير طبيعي وغير مبرر من المسيطرين على المشهد

يبقى لابد لنا من وقفة

وقفة نوقف فيها المشهد ونتفرج عليه من فووووووووووووق من فوق اوي عشان نجيب كل حاجة في المشهد ونسأل نفسنا هو احنا رايحين على فين؟؟؟؟؟؟؟

السؤال اللي كل واحد في الشعب الطيب اللي شارك في الثورة وضحى بشيء من حياته وفجأة لقى ان اللي بيسيطر واحد تاني خالص

نسأل نفسنا هو احنا ليه ماسكين في حتة صغيرة اووووي من المشهد وبنتخانق فيها وسايبين الدنيا بتولع في باقي المشهد؟؟

كل الناس عارفة كويس اووي ان المشكلة في مصر هي مشكلة في  المنظومة باكملها ومشكلة في اسلوب نهج شعب بأكلمه

وكل الناس عارفين كل أمراض المنظومة وعارفين كمان امراضنا كشعب

طيب ليه مش شايفة السياسين او الكتاب او الاعلام او حتى الحكام بيقدمولنا خريطة الخروج من المستنقع

ليه بننضف السطح وسايبين القاع مليان بلاوي كلنا عارفينها؟؟؟

ليه رجعنا تاني لسياسة رد الفعل؟؟ ونسينا سياسة الفعل؟؟

ليه النخبة اللي حاربت الفساد سابو نفسهم يكونو نظام مبارك تحت الناشئين؟؟؟ وماشين على نفس النهج اللي كانت بدايته من 30 سنة ؟؟؟

ليه محدش بيخطط وبيقولنا ده الطريق اللي انا شايفه؟ ونبتدي نتناقش فيه بدل ما احنا بنتناقش قصدي بنتصارع على نقطة في سطر

ارجووكم ارجوكم عشان مستقبل مصر لازم نعرف احنا رايحين على فين منمشيش مغمضين وبنتكعبل في بعض

لازم الاجيال اللي الجاية يتكلمو علينا بشرف وهما فعلا رافعين راسهم لفوق ... ميتكلموش علينا وهما مكسوفين مننا

مستقبل مصر اكبر بكتيير من صراعات الايدولوجيات وصراع السلطة اللي بيلاعبنا بيه اللي بيتحكم فينا واحنا مش داريانين

مصر تتحرر من الظلم " مبارك "

انا كنت في قلب الضرب امبارح

انا و قرايبي و احنا كنا بنتظاهر سلميا لغاية الساعة 1 لما هم هجموا علينا و كانوا عايزين يموتوا الناس كلها و علي فكرة بقي دول بلطجية و ظباط امن دولة و مخبرين و كاموا مسلحين باللالي و... السيوف و السنج و المطاوي و هجموا علينا بس احنا دافعنا عن نفسنا بالطوب و الحجارة و كل شوية واحد من عندنا يموت او يتصاب بالطوب و عدد المصابين اعلي بكثير قوي من اللي اتعلن في التليفزيون و كل ما نقبض علي حد يقول" احمد سرور قبضني و قاللي خلص علي البهايم اللي في الميدان "و الساعة 3 بالليل القناصة فتحوا الرصاص هم و البلطجية علي الناس و الدليل كلام الدكاترة اللي قال ان الرصاص في الرقبة او الصدر او الدماغ يعني علشان يموت الناس علي طول بس الحمد لله قدرنا نبعدهم و نحرر ميدان عبد المنعم رياض من الكلاب اللي بعتهم الكلاب

و الناس كلها كانت متعاونة جدا و مفيش واحد عاكس واحدة او ضربها بالعكس البنات كانوا بيجيبولنا مياه و اكل " بسكويت + سندوتشات مربي " اما ما تردد عن وجبات الكنتاكي و ال 50 جنيه ده محصلش و مفيش اي احزاب موجودة في الميدان او جماعات او جهات خارجية

بالعكس دول كلهم مصريين و اولاد ناس و معاهم فلوس و مش هم اللي بيقبضوا 140 جنيه

فعلا حاجة غريبة طالعين نتظاهر علشان الغلابة و هم بيقولوا ان احنا خونة و مدعومين من الخارج

و هم دلوقتي مجهزين العدة لقتل الناس الليلة دلوقت قدام الميدان بس ربنا معانا و احنا اللي هنحرر مصر انشاء الله

بحث عن مشكلة سد اثيوبيا و مياه النيل

اولا : مياه النيل بتيجي من فين

الامطار تهطل علي بوروندي فيها نهرين بينقلوا المياه لبحيرة فيكتوريا ثم تسير حتي الخرطوم فيما يعرف بالنيل الابيض و دي تمثل 15 %  من ماء النيل

و علي هضبة اثيوبيا و تمشي المياه في النيل الازرق و دي تمثل 85% من ماء النيل

يبقي لو اثيوبيا عملت السد هتتحكم في الكمية الاكبر من الماء 85% و اللي هي اصلا مبتكفيش

ثانيا : السد ده فين و ايه مخاطره

السد علي حدود اثيوبيا يبعد 40 كم عن جنوب شرق السودان في منطقة صخرية و ارتفاعه هيكون 97 م و بيولد 5000 ميجا وات كهرباء كمان و دي الاهم هيحجز 62 مليار م3 من المياه علي حد قولهم

و لازم نعرف ان كل سنة كمية الميه في النيل 84 مليار م3 يعني اغلبية المياه مش هتيجي لينا

 المخاطر : اذا هم قاموا بعمل السد ده بحيرة ناصر التي تحتوي 120 مليار م3 هتتحول لبركة لان مفيش مياه هتتجدد فيها

خسارة 1000 ميجاوات من الكهرباء

عدم قدرتنا علي زراعة مليون فدان

تشريد 5 مليون فلاح مصري

بالاضافة طبعا لمشكلة قلة المياه و دي اخطر واحدة فيهم

التشكيكات في السد

المنطقة دي تقع في حزام الزلازل الافريقي " الاخدود " و يعني تعرضها للزلازل باستمرار و ده يهدد السد

عمل السد هيكون بحيرة كبيرة خلفة و هيضطروا لتهجير السكان و خسارة نصف مليون فدان اراض زراعية من افضل الاراضي

اثيوبيا اصلا عبارة عن براكين و اراض صخرية و ده يعني ان هم مش هيعرفوا يزرعوا اراض جديدة

تقرير امريكي بيقول ان اقصي كمية ماء يمكن حجزها 12 مليار م3

و قدر العمر الافتراضي للسد 100 سنة علي اقصي تقدير

البحيرة اللي هم بيتكلموا عليها 140 مليار م3 هتبقي خطر كبير علي السودان بالذات لان اي انهيار او خلل في السد هيؤدي الي اختفاء المدن حتي الخرطوم و سيؤثر علي السد العالي

اتبني هناك نفقين قبل كده و واحد فيهم انهار اثناء البناء و التاني بعد البناء ب10 ايام لان التربة صخرية و انحدار المياه شديد جدا

التكلفة العالية 4.8 مليار دولار

الحلول

في حلول للامد البعيد

1 - ترشيد استهلاك المياه داخليا لان في سنة 2017 الاستهلاك هيبقي اكثر من الايراد و دي مشكلة

عن طريق : رفع اسعار المياه ليحافظ عليها المواطنين

فصل شبكة الشرب عن شبكة الاستخدامات " الغسيل  و المصانع "و انشاء محطات لتحلية المياه لاستخدامها في الاغراض العامة

اعادة استخدام مياه الصرف الزراعي في ري الاراضي

استخدام وسائل الري الحديثة " رش - تنقيط " بدل الغمر لان استخدامات الزراعة 42 مليار م3

العمل علي استخراج المياه الجوفيه من الصحراء الغربية لانها موجودة بكميات كبيرة

تحويل مجري النيل عند رشيد الي منخفض القطارة لزراعة اراضي ضخمة

تحويل المجري عند دمياط لاستصلاح سيناء

حلول خارجية بعيدة الامد

العمل علي تنمية العلاقات مع هذه الدول

مثل : انشاء المصانع و المستشفيات و الجامعات و عمل بعثات تعليمية و بعثات عمل و تنمية الاقتصاد و استصلاح الاراضي و التنمية العسكرية و السياسة و الصحية و الاقتصادية و الزراعية و التعليمية  في هذه الدول حتي لا يستطيعوا الاستغناء عنا فيما بعد

- حفر قناة جونجلي لتوفير 4 مليار م3

- استغلال مياه بحر الزراف و تحويلها الي النيل 12 مليار م3

- انشاء قناة بطول 1000 كم لربط نهر الكونغو بنهر النيل حيث كمية المياه فيه 1000 مليار م3 و تذهب الي المحيط كل سنة

ما الحل الان خصوصا انهم بدأوا انشاء السد

- دفع اموال لهم مقابل التوقف عن بناء السد

- امدادهم بالكهرباء اللازمة

- التلويح بالحل العسكري

- الضغط علي الدول الخارجية لعدم منحهم القروض

- الضغط علي اسرائيل لانها من تقف وراء هذه الدول و تدعمهم

- اللجوء لاثارة المشكلة دوليا في الامم المتحدة و مجلس الامن و المحكمة الدولية

- الضغط علي الدول الستة الموقعة علي اتفاقية عنتيبي للضغط علي اثيوبيا لتوقف العمل

- الضغط علي ايطاليا و الصين لان الشركات العاملة في السد من هناك

و كل السبب في هذا هو فشل نظام الدكتاتور المخلوع في التعامل مع الازمة من البداية و اهمال هذه الدول لتبقي فريسة لاسرائيل و اطماع الغرب